Cold War 1994

Cold War 1994 (2026)

ဟောင်ကောင်ရုပ်ရှင်လောကရဲ့ အကောင်းဆုံး ရဲအက်ရှင်စုံထောက်စီးရီး “Cold War” ကို သဘောကျသူတွေအတွက်တော့ ဒီ Prequel က တကယ့်ကို လက်မလွှတ်သင့်တဲ့ ဇာတ်ကားကြီး ဖြစ်ပါတယ်။

၁၉၉၇ ခုနှစ် ဟောင်ကောင်ကို တရုတ်လက်ထဲ ပြန်မလွှဲပြောင်းပေးခင် ဗြိတိသျှအုပ်ချုပ်ရေးရဲ့ နောက်ဆုံးလက်ကျန်ကာလဖြစ်တဲ့ ၁၉၉၄ ခုနှစ်ကို နောက်ခံထားပြီး ရိုက်ကူးထားတာပါ။ ဒီဇာတ်ကားမှာ ပရိသတ်အချစ်တော် အော်စကာဆုရ မင်းသားကြီး Tony Leung Chiu-wai၊ အက်ရှင်မင်းသားကြီး Donnie Yenနဲ့ စတိုင်လ်ကျကျ သရုပ်ဆောင်တတ်တဲ့ William Chan တို့လို ထိပ်တန်းမင်းသားကြီးတွေ အားပြိုင်သရုပ်ဆောင်ထားလို့ ဇာတ်ရှိန်ကတော့ အစအဆုံး အသက်ရှူမှားလောက်အောင် ကောင်းမွန်လှပါတယ်။

ဇာတ်လမ်းအကျဉ်းကတော့- ၁၉၉၄ ခုနှစ်ရဲ့ အေးစိမ့်တဲ့ ဆောင်းရာသီညတစ်ညမှာ ခေတ်မီဆက်သွယ်ရေးစနစ်တွေ တပ်ဆင်ထားတဲ့ ဟောင်ကောင်ရဲတပ်ဖွဲ့ရဲ့ အဆင့်မြင့် ကင်းလှည့်ကားတစ်စီးနဲ့ ရဲတပ်ဖွဲ့ဝင် ၅ ဦးဟာ
လူစည်ကားရာ လမ်းမထက်မှာ သဲလွန်စမရှိ ပျောက်ဆုံးသွားခဲ့ပါတယ်။ ရဲချုပ်ကြီး ပြည်ပရောက်နေချိန် ဖြစ်ပွားခဲ့တဲ့ ဒီပြန်ပေးဆွဲမှုကြောင့် ရဲတပ်ဖွဲ့အတွင်းမှာ အရေးပေါ် “စစ်အေး” စစ်ဆင်ရေးကို စတင်ခဲ့ရပါတယ်။

ဒီစစ်ဆင်ရေးမှာ ရဲတပ်ဖွဲ့ရဲ့ အာဏာအရှိဆုံး ဒုရဲချုပ် နှစ်ဦးဖြစ်တဲ့ တိုက်ခိုက်ရေးဖက်က အကြမ်းဖက်နှိမ်နင်းရေး အတွေ့အကြုံရင့် ဒုရဲချုပ်က တရားခံတွေကို ပြတ်ပြတ်သားသား အမြစ်ပြတ်ချေမှုန်းဖို့
ဆုံးဖြတ်ခဲ့ပြီး စီမံခန့်ခွဲရေးဖက်က ဥပဒေစည်းမျဉ်းတွေကို အပိုင်တွက်ထားတဲ့ တည်ငြိမ်ပြီး ပါးနပ်တဲ့ ဒုရဲချုပ်ကတော့ ဥပဒေအတိုင်း စုံစမ်းစစ်ဆေးဖို့နဲ့ တိုက်ခိုက်ရေးဘက်က အာဏာသိမ်းဖို့
ကြိုးစားနေတာလားဆိုတာကို သံသယဝင်လာပါတယ်။

ဒီထိပ်သီးနှစ်ဦးကြားမှာ ရဲတပ်ဖွဲ့ရဲ့ စုံစမ်းစစ်ဆေးရေး အရာရှိငယ်အဖြစ် မင်းသား William Chan က ပါဝင်လာပြီး ရဲတပ်ဖွဲ့အတွင်းမှာရှိနေတဲ့
သစ္စာဖောက်တွေ၊ ဗြိတိသျှ-ဟောင်ကောင်အစိုးရရဲ့ လျှို့ဝှက်ချက်တွေနဲ့ အကျင့်ပျက်ခြစားမှု တိုက်ဖျက်ရေးကော်မရှင်ရဲ့ ကြားဝင်စွက်ဖက်မှုတွေ ပေါ်ပေါက်လာတဲ့အခါ…။

သေနတ်သံတွေထက် ကျယ်လောင်တဲ့ ဦးနှောက်ချင်း အားပြိုင်မှု၊ ရုံးတွင်းနိုင်ငံရေး ကစားကွက်တွေနဲ့အတူ “စစ်အေး” စစ်ဆင်ရေးကြီး ဘယ်လိုအဆုံးသတ်သွားမလဲဆိုတာကို ရင်သပ်ရှုမောဖွယ် ရှုစားကြရမှာ ဖြစ်ပါတယ်။