The Age of Shadows

The Age of Shadows (2016)
********************************

ကိုရီးယားနိုင်ငံရဲ့ ထိပ်တန်းသရုပ်ဆောင်များဖြစ်ကြတဲ့ Song Kang Ho, Gong Yoo, Lee Byung Hun, Park Hee Soon, Um Tae Goo, Shin Sung Rok, Han Ji Min တို့နဲ့ အတူ ဝါရင့်ဇာတ်ပို့များစွာကို အတူတူ မြင်တွေ့ရမဲ့ တော်လှန်ရေး ဇာတ်ကား တစ်ကားနဲ့ မိတ်ဆက်ပေးပါရစေ။

1920 ခုနှစ်၊ ကိုရီးယားနိုင်ငံကို ဂျပန်များ သိမ်းပိုက်ထားစဉ် ကာလအတွင်း၊ ဂျောင်ချယ်ဆန်း ဦးဆောင်သည့် တော်လှန်ရေး တပ်ဖွဲ့ဝင်များက ရှန်ဟိုင်းမြို့မှ ဆိုးလ်မြို့သို့ ဖောက်ခွဲရေး ပစ္စည်းများ သိုဝှက်သယ်ဆောင်ကြတဲ့ စစ်ဆင်ရေးကို အဓိကထားပြီး ရိုက်ကူးပြသထားပါတယ်။

ဇာတ်လမ်းအညွှန်း
*********************
ဂျပန် ရဲဌာနမှာ တာဝန်ထမ်းဆောင်နေတဲ့ ဂျိုဆွန်းနိုင်ငံသား ရဲမှူး အီဂျောင်ချူး (Song Gang Ho)ဟာ တစ်ချိန်တုန်းက အမိ‌မြေရဲ့ တော်လှန်ရေးတပ်ဖွဲ့ကို သစ္စာဖောက်ကာ ထိပ်တန်းရာထူးရရှိလာခဲ့သူ
ဖြစ်ပါတယ်။ လက်ရှိအချိန်မှာလည်း ဒုရဲချုပ် ဟီဂါရှီရဲ့ အမိန့်အရ တော်လှန်ရေး တပ်ဖွဲ့ဝင်တွေကို ဖမ်းဆီးနိုင်ဖို့အတွက် တော်လှန်‌ရေးတပ်ဖွဲ့ရဲ့ အဓိကအဖွဲ့ဝင်တစ်ဦးဖြစ်တဲ့ ဂင်အူဂျင်း (Gong Yoo)ဆီကို ချည်းကပ်လာခဲ့ပါတယ်။

တစ်ယောက်နဲ့ တစ်ယောက် အတွင်းစိတ် ရည်ရွယ်ချက်အမှန်ကိုသိနေကြပေမဲ့ ရှေ့တင်မှာတော့ ဟန်မပျက်သရုပ်ဆောင်နေကြတဲ့ အီဂျောင်ချူးနဲ့ ဂင်အူဂျင်းတို့ဟာ အချင်းချင်းသတင်းနှိုက်ဖို့ကြိုးစားရင်း မသိစိတ်ကနေ ရင်းနှီးလာခဲ့ကြပါတော့တယ်။

ဖောက်ခွဲရေး ပစ္စည်းတွေ သယ်ဆောင်တဲ့ စစ်ဆင်ရေး လုပ်နေစဉ်အတွင်းမှာပဲ ဂျပန်ရဲဌာနအဖွဲ့နဲ့ တော်လှန်ရေးတပ်ဖွဲ့ဝင်တွေ ထိပ်တိုက် တွေ့ဆုံလာကြတဲ့အခါ ဒီစစ်ဆင်ရေး အောင်မြင်နိုင်မလားဆိုတာကိုတော့ ဇာတ်လမ်းထဲမှာပဲ ဆက်လက်ရှုစားပေးကြပါဦးနော်။

(ဇာတ်လမ်းအညွှန်းကိုတော့ Treasure Htetက ရေးသားထားပါတယ်)

• 1920s
• china
• independence movement
• Japan
• japanese occupation of korea
• korea
• korean resistance
• shanghai