Sunod

Sunod (2019)

အိုလီဗီယာဟာ မွေးရာပါနှလုံးရောဂါသည်သမီးငယ်နဲ့အတူ ဘ၀ကိုရုန်းကန်နေရတဲ့ ဆင်ဂယ်မိခင်တစ်ယောက်ဖြစ်ပါတယ်။ တစ်နေ့တော့ သမီးဖြစ်သူရဲ့ဆေးဖိုးအတွက် ရရာအလုပ်ဝင်လုပ်မယ်ဆိုတဲ့ ဆုံးဖြတ်ချက်နဲ့ ကောလ်စင်တာတစ်ခုမှာအလုပ်ဝင်လုပ်ဖြစ်ခဲ့ပါတယ်။

သူတို့ရုံးတည်ရှိရာ အဆောက်အအုံဟာ ဟိုတစ်ချိန်က ဆေးရုံတစ်ခုဖြစ်ခဲ့ပြီး အခုချိန်မှာတော့ ရုံးခန်းတွေဖွင့်ဖို့ပြန်လည်မွမ်းမံနေပေမဲ့ လက်ရှိအချိန်မှာတော အဆောက်အအုံတစ်ခုလုံး သူတို့ရုံးခန်းတစ်ခန်းပဲရှိပါသေးတယ်။ ရောက်ရောက်ချင်းနေ့မှာပဲ ဓာတ်လှေကားအထပ်မှားရပ်မိရာကနေ လူသူမရှိတဲ့ ပြင်ဆင်ဆဲအလွှာမှာ အရိပ်တစ်ခုတွေ့မိသလို သူကိုင်တွယ်ဖြေရှင်းရတဲ့ ဖုန်းခေါ်ဆိုမှုတွေမှာလည်း ကြားဖြတ်အနှောင့်အယှက်အသံသဲ့သဲ့တွေကြားမိပေမဲ့ ဂရုမစိုက်မိတဲ့သူဟာ မီးပျက်တဲ့တစ်နေ့မှာတော့ ရုံးကအပြန်လမ်းပျောက်နေတဲ့ ကလေးမလေးတစ်ယောက်ကိုကူညီပြီး အဆောက်အအုံအပြင်ကိုခေါ်ထုတ်ပေးခဲ့မိရာကနေ ထိတ်လန့်ချောက်ချားစရာ နောက်ဆက်တွဲတွေဖြစ်ရပ်တွေနဲ့ ရင်ဆိုင်ရပါတော့တယ်။

စတိုင်တစ်မျိုးနဲ့ ဖိလစ်ပိုင်ဟော်ရာကားပါ။ ဇာတ်လမ်းဇာတ်အိမ်ကောင်းသလို လှည့်ကွက်လည်းကောင်းတဲ့ သဲထိတ်ရင်ဖိုခံစားရမဲ့ ကားကောင်းတစ်ကားပါပဲ။

(အညွှန်းနဲ့ဘာသာပြန်ကတော့ Alias ဖြစ်ပါတယ်။)