Protector

Protector (2026)

IMDb Rating (5.3) / Rotten Tomatoes (21%)

ဂျွန်ဝစ်နဲ့အင်္ဂလန်ကတုံး ပေါင်းထားသလောက်ကြမ်းတဲ့ Resident Evil မင်းသမီးရဲ့ အက်ရှင်ကားအသစ်ထွက်လာပါပြီ။

ဇာတ်လမ်းအကျဉ်း

နစ်ကီ (Milla Jovovich) ဟာ အရင်က စစ်ပွဲတွေမှာ စွမ်းစွမ်းတမံ တာဝန်ထမ်းဆောင်ခဲ့တဲ့ စစ်ပြန်သူရဲကောင်းတစ်ယောက်ပါ။ ဒါပေမဲ့ သူ့ရဲ့ သမီးလေးကို လူကုန်ကူးတဲ့ ပြန်ပေးသမားတွေက ဖမ်းခေါ်သွားတဲ့အချိန်မှာတော့ သူမရဲ့ အေးချမ်းနေတဲ့ ဘဝကြီးက ဇောက်ထိုးမိုးမျှော် ဖြစ်သွားပါတော့တယ်။

ကိုယ့်သမီးလေးကို ပြန်ရှာဖို့အတွက် နစ်ကီတစ်ယောက် အန္တရာယ်များတဲ့ မြေအောက်ရာဇဝတ်လောကထဲကို ဝင်တိုးရပါတော့တယ်။ တစ်ဖက်မှာ လူမိုက်တွေနဲ့ ရင်ဆိုင်ရသလို၊ တခြားတစ်ဖက်မှာလည်း ရဲတွေနဲ့ စစ်တပ်ကပါ သူ့ကို ဖမ်းဖို့ လိုက်နေတဲ့ကြားကနေ သမီးဖြစ်သူကို ဘယ်လိုပုံစံနဲ့ အသက်စွန့်ပြီး ကယ်တင်မလဲဆိုတာကို ရင်တမမနဲ့ ကြည့်ရှုရမှာပါ။

စစ်ပြန်တစ်ယောက်ရဲ့ အတွေ့အကြုံတွေ၊ တိုက်ရည်ခိုက်ရည်တွေနဲ့ မိခင်တစ်ယောက်ရဲ့ ကြီးမားတဲ့ မေတ္တာကို ပေါင်းစပ်ပြသထားတာမို့လို့ ဇာတ်ရှိန်အမြင့်နဲ့ အက်ရှင်ကားကောင်းကောင်း ကြည့်ချင်တဲ့သူတွေအတွက် အဆင်ပြေမဲ့ ဇာတ်ကားလေးဖြစ်ပါတယ်။

ပါဝင်တဲ့သရုပ်ဆောင်တွေအနေနဲ့ Milla Jovovich အပြင် Matthew Modine, D.B. Sweeney နဲ့ Arica Himmel တို့က အဓိက ပါဝင်သရုပ်ဆောင်ထားပြီး Rambo: Last Blood ကို ရိုက်ကူးခဲ့တဲ့ ဒါရိုက်တာ Adrian Grunberg က ဖန်တီးပေးထားတာ ဖြစ်ပါတယ်။

• action
• kidnapping
• rescue mission
• underworld
• war hero