Night Watch

Night Watch (2021)

Psychological Suspense အမျိုးအစားဇာတ်ကားလေးကောင်းလေးတစ်ခု တင်ဆက်ပေးလိုက်ပါတယ်။

ဇာတ်လမ်းအကျဉ်းလေးကတော့ …..

တစ်ညမှာ ဝမ်ရန်ကျယ်နဲ့ ချစ်သူလီယွီအိုက်တို့မောင်းလာတဲ့ကားလေးကို ကုန်တင်ကားတစ်စီးက ဝင်တိုက်မိသွားပါတယ်။

ဝမ်ရန်ကျယ်ကဒဏ်ရာအပြင်းအထန်နဲ့ သက်ဆိုင်ရာကိုဖုန်းဆက်အကူအညီတောင်းခဲ့သော်လည်း ကားမောင်းတဲ့ချစ်သူကတော့ သေဆုံးသွားခဲ့ပါတယ်။ ဒဏ်ရာရထားတဲ့ဝမ်ရန်ကျယ်ကလည်း ဆေးတော်တော်ကြာကုယူလိုက်ရပါတယ်။ ၂-နှစ်ကြာသွားတဲ့အခါမှာ ဝမ်ရန်ကျယ်က လမ်းပြန်လျှောက်နိုင်ပြီဖြစ်ပေမဲ့ ပြန်လည်သန်စွမ်းရေးကုထုံးတွေယူနေရပြီးတော့ အတိတ်မေ့ဝေဒနာကိုလည်း ခံစားနေရပါတယ်။ ဝမ်ရန်ကျယ်က အချိန်ပိုင်းညစောင့်အလုပ်တစ်ခု
ရသွားပြီလို့ သူ့ရဲ့စိတ်ရောဂါကုဆရာဝန်လီယွီဟုန်ကို ပြောသွားပါတယ်။

တစ်နေ့မှာတော့ ဒေါက်တာလီယွီဟုန်က ဆေးရုံကနေဆင့်ခေါ်ခံရပါတယ်။ အကြောင်းအရင်းကတော့ ဝမ်ရန်ကျယ်က လူသတ်မှုကျူးလွန်တယ်လို့ သံသယရှိနေတာဖြစ်တဲ့အတွက်ကြောင်း ရဲဘက်ကနေ ဆင့်ခေါ်တာပဲဖြစ်ပါတယ်။
ဒီလိုနဲ့ ဒေါက်တာလီက ရဲတပ်ဖွဲ့ခေါင်းဆောင်ကို ဝမ်ရန်ကျယ်ရဲ့ ဝေဒနာအခြေအနေအကြောင်းရှင်းပြပြီး သူနဲ့၂ ယောက်ထဲ စကားပြောခွင့်တောင်းလိုက်ပါတယ်။ ဒေါက်တာလီရဲ့စိတ်ပိုင်းဆိုင်ရာကျွမ်းကျင်မှုနဲ့
မေးမြန်းနေတဲ့ သူတို့ ၂ ယောက်ရဲ့ စကားဝိုင်းဟာ ပဟေဠိတွေကို တဖြည်းဖြည်းချင်း ပုံဖော်လာပါတယ်။