Mexicali

Mexicali (2026)

IMDb Rating (6.0)

၂၀၂၆ ခုနှစ်ရဲ့ အကောင်းစား အက်ရှင်ကား Mexicali တင်ပေးထားပါတယ်။ Rambo စတိုင်လိုမျိုး အက်ရှင်ကြမ်းကြမ်းတွေနဲ့ အတိုက်အခိုက်တွေအပြည့်ပါတဲ့ ကားမျိုးပါ။

ဇာတ်လမ်းကတော့ သြစတြေးလျက ကြေးစားစစ်သားဟောင်း၊ တိုက်ခိုက်ရေးသမားဟောင်း Joe အကြောင်းပါ။ သူက အခုတော့ မက္ကဆီကိုက ထောပတ်သီးခြံလေးတစ်ခုမှာ သူ့ချစ်သူ ကောင်မလေး Estrella နဲ့အတူ အေးအေးချမ်းချမ်း နေနေတာပေါ့။ ဒါပေမဲ့ ခြံက သိပ်အဆင်မပြေတော့ အလုပ်သမားတွေကို ပိုက်ဆံပေးဖို့ Joe တစ်ယောက် တရားမဝင် မြေအောက်လက်ဝှေ့ပွဲတွေမှာ ဝင်ထိုးပြီး ပိုက်ဆံရှာရတယ်။

တစ်နေ့ကျတော့ Joe ရော သူ့သူငယ်ချင်း Marco ရော ဈေးသွားရင်းနဲ့ အဲဒီနယ်က အာဏာအရှိဆုံး ဂိုဏ်းစတားခေါင်းဆောင်ကြီးရဲ့ သား Chavez နဲ့ ပြဿနာနည်းနည်းတက်သွားတယ်။ ပြဿနာ ပြီးသွားပြီထင်ပေမဲ့ အိမ်အပြန်လမ်းမှာ Chavez နဲ့ သူ့လူတွေက Joe တို့ကို လာတိုက်ခိုက်ပါတော့တယ်။ အဲဒီမှာတင် Joe က သူ့သူငယ်ချင်းကို ကယ်ဖို့အတွက် မလွှဲမရှောင်သာဘဲ သူ့ရဲ့တိုက်ခိုက်ရေးစွမ်းရည်တွေကို ထုတ်သုံးပြီး ဟိုကောင်တွေကို သတ်ပစ်လိုက်ရတယ်။ သေသွားတဲ့ကောင်တွေကိုတော့ ဘယ်သူမှမသိအောင် မြှုပ်ပစ်လိုက်တာပေါ့။

ဒါပေမဲ့ ၃ ပတ်လောက်ကြာတော့ ဂိုဏ်းစတားတွေဘက်က သူတို့လူတွေ ပျောက်သွားတဲ့ကိစ္စကို လာစုံစမ်းပါတော့တယ်။ ဒီလိုနဲ့ သူတို့ခြံလေးကို ဒုက္ခပေးဖို့၊ Joe ကို လာသတ်တော့မဲ့ အချိန်မှာတော့ Joe တစ်ယောက် သူ့ချစ်သူရော သူ့ခြံကိုပါ ကာကွယ်ဖို့အတွက် တစ်ကိုယ်တော်စစ်ပွဲ ဆင်နွှဲရပါတော့တယ်။

ဒီကားမှာ မင်းသား Bren Foster ရဲ့ သိုင်းကွက်တွေ၊ ဓားခုတ်တဲ့ အခန်းတွေနဲ့ သေနတ်ပစ်ခန်းတွေက ၈၀၊ ၉၀ ခုနှစ်တွေတုန်းက အက်ရှင်ကားတွေ စတိုင်မျိုးပါပဲတယ်။ ဇာတ်လမ်းက ရှင်းရှင်းလေးနဲ့ ကြည့်ရတာ အဓိပ္ပါယ်မရှိတာမျိုးတွေ မပါဘဲ အက်ရှင်အပြည့်နဲ့ ဆွဲဆောင်သွားတာပါ။

အက်ရှင်ကားကောင်းကောင်း တစ်ကား ကြည့်ချင်လှပြီဆိုရင်တော့ ဒီကားလေးကို လက်မလွတ်ဖို့ အကြံပေးချင်ပါတယ်။