အကောင့်ဖွင့်ရန် ပုံအပေါ်သို့နှိပ်ပါ
Synopsis
အိမ်ဆိုတာ အနားယူဖို့နေရာတစ်ခုဖြစ်သင့်ပေမဲ့… အိမ်တစ်လုံးရဲ့ နံရံတိုင်းမှာ လျှို့ဝှက်ထားတဲ့ နာကျင်မှုတွေ ရှိနေမယ်ဆိုရင်ရော…
ဒီဇာတ်လမ်းလေးကတော့ အိမ်ခြံမြေအကျိုးဆောင်အဖြစ်အလုပ်လုပ်နေတဲ့ စုန့်ဟွေဟာ နာမည်ဆိုးနဲ့ ကျော်ကြားတဲ့ အိမ်တစ်လုံးကို ရောင်းချဖို့ တာဝန်ယူရပါတယ်။
အဲဒီအိမ်ဟာ ရေယိုတာ၊ ပစ္စည်းတွေ အလိုလိုလှုပ်ရှားတာ၊ မမြင်ရတဲ့သူတစ်ယောက်ရှိနေသလို ခံစားရတာမျိုးတွေနဲ့ သရဲခြောက်တဲ့အိမ်လို့ လူတိုင်းက ယုံကြည်ထားကြပါတယ်။
ဒါပေမဲ့ ထူးဆန်းတာက အဲဒီအိမ်ထဲမှာနေထိုင်နေတဲ့ ကလေးတစ်ယောက်နဲ့ တွေ့ဆုံလိုက်ရတဲ့အချိန်ကစပြီး အရာအားလုံး ပြောင်းလဲသွားပါတယ်။ ကလေးက သူ့ကို အိမ်ရှင်လို သဘောထားနေပြီး အိမ်ထဲမှာ ဖြစ်ပျက်နေတဲ့ထူးဆန်းမှုတွေက သရဲတစ္ဆေကြောင့် မဟုတ်ဘဲ ၂၅ နှစ်တစ်ကြိမ် ကမ္ဘာကိုဖြတ်သန်းတဲ့ ကြယ်တံခွန်ကြောင့် ဖြစ်ပေါ်လာတဲ့ အချိန်နဲ့ အာကာသ ကမောက်ကမဖြစ်စဉ်တွေနဲ့ ဆက်နွယ်နေမှန်း သိလာရတဲ့အခါ…
အချိန်နှစ်ခုက အိမ်တစ်လုံးထဲမှာ ထပ်တူကျလာတဲ့အတွက် စုန့်ဟွေဟာ အတိတ်မှာ ဖြစ်ပွားခဲ့တဲ့ မိသားစုအကြမ်းဖက်မှု၊ ဖခင်တစ်ယောက်ရဲ့ ရက်စက်မှုနဲ့ အပြစ်မဲ့တဲ့ မိခင် ယဲ့ရှူးမိန်ရဲ့
ကြေကွဲဖွယ်အဖြစ်အပျက်တွေကို ကိုယ်တိုင် မြင်တွေ့ရပါတော့တယ်။
သူမဟာ အတိတ်ကို ပြောင်းလဲနိုင်မလား၊ သေဆုံးသွားရမဲ့သူတွေကို ကယ်တင်နိုင်မလား၊ နောက်ဆုံးမှာ တစ္ဆေခြောက်တဲ့အိမ်ရဲ့ အမှန်တရားကို ဖော်ထုတ်နိုင်မလားဆိုတာ…သည်းထိတ်ရင်ဖို Thriller တစ်ကားဖြစ်ပြီး Horror ဇာတ်ကားတွေကို ကြိုက်နှစ်သက်သူတွေအတွက်သာမက Time-Slip၊ Mystery နဲ့ Emotional Drama တွေကိုပါ သဘောကျတဲ့သူတွေအတွက် ကြည့်သင့်တဲ့ ဇာတ်အိမ်လေးဖြစ်ပါတယ်။
နောက်ဆုံးမှာတော့ “အတိတ်ကို မပြောင်းနိုင်ရင်တောင် အနာဂတ်ကိုတော့ ကိုယ်တိုင်ရွေးချယ်နိုင်တယ်” ဆိုတဲ့ မျှော်လင့်ချက်ကို ရင်ထဲစွဲကျန်စေမဲ့ ရုပ်ရှင်ကောင်းလေးတစ်ကားဖြစ်စေမှာပါ။
Original title 入凶宅
TMDb Rating 4 1 votes
Links
Similar titles
