Fackham Hall

Fackham Hall (2025)

IMDb Rating (6.5) / Rotten Tomatoes (74%)

Downton Abbey လိုမျိုး ဗြိတိသျှ အထက်တန်းလွှာတွေရဲ့ဘဝကို အခြေခံထားတဲ့ Period Drama တွေကို ခပ်တည်တည်နဲ့ ပြောင်လှောင်ရိုက်ကူးထားတဲ့ ဟာသဇာတ်ကားကောင်း တစ်ကားလာပါပြီ။

ဇာတ်လမ်းအကျဉ်း

၁၉၃၁ ခုနှစ်၊ အင်္ဂလန်နိုင်ငံရဲ့ စီးပွားပျက်ကပ်ကာလမှာ ဇာတ်အိမ်တည်ထားပါတယ်။ ဖက်ခမ်ဟော (Fackham Hall) လို့ခေါ်တဲ့ ခမ်းနားထည်ဝါတဲ့ စံအိမ်ကြီးမှာ နေထိုင်ကြတဲ့ ဒေဗင်ပို့တ် (Davenport) မိသားစုကြီးရဲ့ အရှုပ်တော်ပုံတွေကို ရိုက်ပြထားတာပါ။ Fackham Hall ဆိုတဲ့နာမည်ကိုက အခွီပါ၊ ဖာ့သမ်းအော နဲ့အသံတူပါတယ်။

ဒေဗင်ပို့တ် မိသားစုမှာ သားယောက်ျားလေး အမွေဆက်ခံသူ မရှိတော့တဲ့အတွက် စံအိမ်ကြီး တခြားသူလက်ထဲမပါသွားအောင် သမီးဖြစ်သူတွေကို ဝမ်းကွဲတော်စပ်တဲ့ အာချီဘော (Archibald) နဲ့ အတင်းအဓမ္မ လက်ထပ်ပေးဖို့ ကြိုးစားကြပါတယ်။ ဒါပေမဲ့ မင်္ဂလာပွဲနေ့မှာပဲ သမီးဖြစ်သူ ပိုပီ (Poppy) က တခြားယောက်ျားတစ်ယောက်နဲ့ ထွက်ပြေးသွားတဲ့အခါ မိသားစုရဲ့ အစီအစဉ်တွေ ပျက်စီးကုန်ပါတော့တယ်။

ဒီအချိန်မှာပဲ အဲရစ် (Eric) ဆိုတဲ့ လမ်းဘေးသူခိုးကောင်လေးတစ်ယောက်ဟာ ဖက်ခမ်ဟောကို စာလာပို့ရင်း မမျှော်လင့်ဘဲ အိမ်ဖော်အဖြစ် အလုပ်ရသွားပါတယ်။ အဲရစ် ရောက်လာပြီးနောက်မှာတော့ စံအိမ်ကြီးထဲမှာ လူသတ်မှုတွေ၊ လျှို့ဝှက်ချက်တွေ၊ အမွေလုပွဲတွေနဲ့အတူ ရယ်စရာ၊ အလွဲတွေ ဆက်တိုက်ကြုံလာရပါတော့တယ်။

ဒေဗင်ပို့တ် မိသားစုရဲ့ လျှို့ဝှက်ချက်က ဘာလဲ? အဲရစ်ကရော တကယ်ပဲ ရိုးရိုး အိမ်ဖော်လေး ဟုတ်ရဲ့လား? ဆိုတာတွေကို ဟာသနှောပြီး ရှုစားရမဲ့ ဇာတ်ကားပါပဲ။

လေးလေးနက်နက် ဇာတ်ကားတွေကြည့်ရတာ ငြီးငွေ့ပြီး ပေါ့ပေါ့ပါးပါးနဲ့ အူတက်အောင် ရယ်ချင်သူတွေအတွက် အထူးသင့်တော်ပါတယ်။ အထက်တန်းလွှာတွေရဲ့ ဟန်ဆောင်မှုတွေ၊ အိမ်ဖော်တွေရဲ့ အတင်းအဖျင်းတွေနဲ့ ခေတ်ဟောင်း နောက်ခံကားတွေကို ခေတ်သစ်ဟာသတွေ နဲ့ ရောသမမွှေထားတာကို မြင်တွေ့ရမှာပါ။

Period Drama တွေကို ကြိုက်နှစ်သက်ပြီး Parody ပုံစံမျိုးနဲ့ ပြန်ကြည့်ချင်သူတွေ လက်မလွှတ်သင့်တဲ့ ဇာတ်ကားလေးပဲ ဖြစ်ပါတယ်။

• hilarious
• historical comedy
• period comedy
• social satire