Anemone

Anemone (2025)

IMDb Rating (5.8) / Rotten Tomatoes (55%)

ဒီဇာတ်ကားလေးကတော့ အင်္ဂလန်နာမည်ကျော်မင်းသား Daniel Day-Lewis အဓိကပါဝင်သရုပ်ဆောင်ထားတဲ့ Psychological Dram ဇာတ်လမ်းအမျိုးအစားလေးပဲဖြစ်ပါတယ်။ ဒါရိုက်တာကတော့ Daniel ရဲ့ သားဖြစ်သူ Ronan Day-Lewis ဖြစ်ပြီးတော့ သူ့ရဲ့ ပွဲဦးထွက်ရုပ်ရှင်လည်းဖြစ်ပါတယ်။

ဇာတ်လမ်းအကျဉ်း

ရေး ဟာ ‘The Troubles’ ခေါ် မြောက်အိုင်ယာလန် ပဋိပက္ခအတွင်းမှာ စစ်မှုထမ်းတာဝန်ထမ်းဆောင်ရင်း စိတ်ဒဏ်ရာများရရှိခဲ့ပြီးနောက် သူ့ရဲ့ကိုယ်ဝန်ဆောင်ဇနီးသည် နက်ဆာကိုထားခဲ့ကာ အိုင်ယာလန် တောအုပ်ထဲမှာ တစ်ကိုယ်တည်းနေထိုင်နေသူပါ။

တစ်နေ့မှာ ရေးရဲ့မွေးချင်းညီအစ်ကိုဖြစ်သူ ဂျမ် ဟာ ရေးဆီရောက်လာပြီး သားဖြစ်သူဘရိုင်ယန်ရဲ့ သူ့အဖေနဲ့ပက်သက်ပြီး ဖြစ်နေတဲ့ စိတ်ပိုင်းဆိုင်ရာဖိစီးမှုတွေ ပြဿနာတွေခံစားနေရတဲ့အတွက် ရေးကိုအိမ်ပြန်လာဖို့ စည်းရုံးခဲ့ပါတယ်။

တောအိမ်လေးထဲမှာ ညီအစ်ကိုနှစ်ယောက်ပြန်ဆုံကြရင်း ရေးက သူ့ရဲ့အတိတ်ကအဆိုးမြင်မှုတွေ စိတ်ဒဏ်ရာတွေ ငယ်ဘဝအနိုင်ကျင့်ခံရမှုတွေ စစ်မှုထမ်းစဉ်ကြုံတွေ့ခဲ့ရတဲ့ ကြောက်မက်ဖွယ်ရာတွေကို ပြန်ပြောပြနေခဲ့ပါတယ်။

ဖခင်၊ သား၊ ညီအစ်ကိုတို့ကြားက ရှုပ်ထွေးနက်နဲတဲ့ ဆက်ဆံရေးကို ရိုက်ကူးပြထားပြီး ရေးအနေနဲ့ သူ့သားကို တစ်သက်လုံးရှောင်ရှားခဲ့ပြီးမှ နောက်ဆုံးမှာ ရင်ဆိုင်တွေ့နိုင်ပါ့မလားဆိုတာကို စိတ်ဝင်တစားရိုက်ကူးပြထားတဲ့ ရုပ်ရှင်လေးပဲဖြစ်ပါတယ်။

• brother brother relationship
• family dynamics
• family relationships
• father son relationship