A Mistake

ဒီတစ်ခါမှာတော့ နယူးဇီလန် ဆရာဝန်ကားကောင်း တစ်ကားနဲ့ မိတ်ဆက်ပေးလိုက်ပါတယ်။

အဲလိဇဘက်ဟာ ဆေးရုံရဲ့ အတော်ဆုံး ခွဲစိတ်ဆရာဝန်တစ်ယောက်ဖြစ်သလို တစ်ဦးတည်းသော အမျိုးသမီးခွဲစိတ်ဆရာဝန်တစ်ယောက်လည်း ဖြစ်ပါတယ် ။

သွေးဆိပ်သင့်လူနာတစ်ယောက်ကို ခွဲစိတ်ရင်းနဲ့ ဘွဲလွန်ဆရာဝန်ကို trocar ဖောက်ခိုင်းလိုက်ရာကနေ လက်လွန်ပြီး သွေးလွှတ်ကြောအထိပါ ပေါက်သွားခဲ့ပေမဲ့ အဲလိဇဘက်တို့က အချိန်မီ ပြင်ဆင်နိုင်ခဲ့ပါတယ်။ ဒါပေမဲ့ ICU ထဲမှာ တစ်ရက်နီးပါး နေပြီးတဲ့နောက်မှာတော့ အဲဒီလူနာက ဆုံးပါးသွားခဲ့ပါတယ်။ တစ်ချိန်တည်းမှာပဲ ခွဲစိတ်ဆရာဝန်တွေရဲ့ ခွဲစိတ်လူနာရလဒ်တွေကို ဒေတာတွေအနေနဲ့ လူသိရှင်ကြားထုတ်ပြန်မယ်ဆိုတဲ့ စနစ်အသစ်တစ်ခု ထွက်လာတဲ့အခါ လောလောလတ်လတ်ကမှ လူနာ ဆုံးထားပြီး လူနာရှင်က ကွန်ပလိန်းတက်ခံနေရတဲ့ အဲလိဇဘက်အတွက် စိုးရိမ်စရာတစ်ခု ဖြစ်လာပါတော့တယ်။

ကိစ္စတွေက တစ်ခုပြီး တစ်ခုဆိုသလို အဲလိဇဘက်အတွက် downfall က ဆက်တိုက်ဖြစ်လာတဲ့အခါမှာ ဒီအရှုပ်အထွေးတွေ ကြားထဲကနေ အဲလိဇဘက် ဘယ်လိုရှင်သန်မလဲ။ ဒီလိုကိစ္စတွေထဲမှာမှ ခွဲခန်းအတူဝင်ခဲ့တဲ့ လက်ထောက် ဘွဲလွန်ဆရာဝန်က ကိုယ့်ကိုယ်ကိုယ် အဆုံးစီရင်သွားတဲ့အခါ ကိစ္စတွေက ရှုပ်ထွေးသထက် ရှုပ်ထွေးလာပါတော့တယ်။

ဒီလိုပြဿနာတွေကို အဲလိဇဘက် ဘယ်လိုဖြေရှင်းမလဲ။ လောကကြီးကရော သူ့ဘက်မှာ ရှိနေနိုင်မလား။ တကယ်ပဲ ဆရာဝန်တွေဟာ သေဖို့ရာခိုင်နှုန်းများတဲ့လူနာတွေကို ခွဲစိတ်ကုသမှုမလုပ်ဘဲ ငြိမ်းချမ်းစွာအသက်ထွက်ခွင့်ပေးသင့်သလားဆိုတာကိုတော့ A mistake 2024 မှာ ကြည့်ရှုခံစားရင်း အတွေးနက်ရစေမှာပဲ ဖြစ်ပါတယ် ။

• death of patient
• dogsitter
• grave
• lesbian relationship
• matter of fact
• surgeon