2121

2121: Once Upon a Time in the Future (2024)

IMDb Rating (5.7)

ဒီရုပ်ရှင်က ပြောပြရင် ဂျော့အော်ဝဲလ်ရဲ့ 1984ကနေ လာတဲ့ နောက်ထပ်ဇာတ်လမ်းတစ်ပုဒ်လို့ ပြောရမယ်။ တစ်ချိန်တည်းမှာပဲ မားဂရက်အက်ဝုဒ်ရဲ့ The Handmaid’s taleထဲက Elementsလို ဟာတွေပါနေတယ်။ ဒါပေမဲ့ သူက ဟဲမင်းဝေးရဲ့ အိုမင်းရဲ့ ဝမ်းနည်းဖို့ကောင်းပုံကို တင်ပြပုံမျိုးကိုလည်း သန်းနေတယ်။

သူ့ဇာတ်ကတော့ အနာဂတ်ကာလတစ်ခု။ Dystopiaကာလတစ်ခုပေါ့။ Dystopiaတွေရဲ့ ထုံးစံအတိုင်း ကမ္ဘာကြီးက ပျက်စီးနေပြီဆိုတော့ မြေအောက်မှာနေနေကြတယ်။ အဲဒီမြေအောက်မှာနေတဲ့စနစ်က 1984ဆန်ဆန်ပဲ။

ဆိုပေမဲ့ အဲဒီစနစ်မှာ ထူးတာက မျိုးဆက်သစ်ခေါ် ကလေးအသစ်တစ်ယောက်မွေးလာရင် မျိုးဆက်ဟောင်းခေါ် လူအိုကြီးတွေကို ဖျက်သိမ်းပစ်ရတယ်။ သတ်ပစ်ရတယ်ပေါ့။ တစ်နေ့မိသားစုတစ်စုအိမ်မှာ သမီးက ကလေးမွေးတော့မယ့်အချိန် အမေကို ဖျက်သိမ်းပစ်ဖို့ အချိန်ရောက်လာတယ်။

အဲဒီမှာသိလိုက်ရတာက သူ့အမေက ဒီတိုင်းပြည်ကြီးကို အစပျိုးခဲ့တဲ့လူတွေထဲ ပါခဲ့တယ်ဆိုတာပဲ။ ဒါပေမဲ့ နောက်နေ့မှာ သူ့အမေက ပျောက်သွားတယ်။ အဲဒီအခါ ဒီစနစ်အောက် ဘာတွေကြုံလာရမလဲဆိုတာကို ပြထားတယ်။

(ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။)