Damaged Disciples

Damaged Disciples (2025)
***************************

ဒီကားဟာ Action နဲ့ Horror အမျိုးအစားကို ပေါင်းစပ်ရိုက်ကူးထားတဲ့ ရုပ်ရှင်ကားသစ်တစ်ခု ဖြစ်ပါတယ်။

ဘာသာတရားနဲ့ နာမ်လောကကို လုံးဝမယုံကြည်တဲ့လူတစ်ယောက်က မမျှော်လင့်ဘဲ သဘာဝလွန်ကမ္ဘာကြီးထဲရောက်သွားတဲ့အခါ ဘာတွေဆက်ဖြစ်မလဲဆိုတာကို စိတ်လှုပ်ရှားဖွယ် ရိုက်ကူးထားတာပါ။

ဇာတ်လမ်းရဲ့ အဓိကဇာတ်ကောင်ကတော့ ဂျင်မီ (Jimmy) ဆိုတဲ့ လူမှုဝန်ထမ်းတစ်ယောက်ပါ။ ဂျင်မီက အရာရာကို စည်းကမ်းတကျ စေ့စေ့စပ်စပ် လုပ်တတ်တဲ့သူဖြစ်ပြီး ဘုရား၊ နတ်ဆိုး၊ တမလွန် စတာတွေကို လုံးဝမယုံကြည်တဲ့ ဘာသာမဲ့ (Atheist) တစ်ယောက်လည်း ဖြစ်ပါတယ်။

ဒါပေမဲ့ တစ်နေ့မှာတော့ ဂျင်မီတစ်ယောက် သာမန်လူသားတွေကြားထဲမှာ လူယောင်ဖန်ဆင်းပြီး ရောနှောနေထိုင်နေကြတဲ့ ကောင်းကင်တမန် (Angels) တွေနဲ့ နတ်ဆိုး (Demons) တွေရဲ့ လျှို့ဝှက်လူ့အဖွဲ့အစည်းကြီးကို မမျှော်လင့်ဘဲ သွားတွေ့မိပါတော့တယ်။

သူ မယုံကြည်ခဲ့တဲ့အရာတွေက တကယ်ရှိနေတယ်ဆိုတာကို မျက်မြင်ကိုယ်တွေ့ ကြုံလိုက်ရတဲ့အပြင်၊ ဂျင်မီဟာ ဒီသဘာဝလွန်အဖွဲ့အစည်းကြီးရဲ့ ကြီးမားတဲ့ စူးစမ်းရှာဖွေမှု ခရီးစဉ်တစ်ခုမှာ ပါဝင်ကူညီဖို့ အပေးအယူလုပ်ပြီး ဖိအားပေးခံရပါတယ်။

ရွေးချယ်စရာမရှိတော့တဲ့အဆုံးမှာ ဂျင်မီဟာ ကောင်းခြင်းနဲ့ ဆိုးသွမ်းခြင်းကြားက ကြီးမားတဲ့ စစ်ပွဲကြီးကိုအဆုံးသတ်နိုင်ဖို့အတွက် ဝင်ပါရပါတော့တယ်။ ဒီစစ်ပွဲကြီးမှာ လူသားတစ်ယောက်အနေနဲ့ သူ ဘယ်လိုအခန်းကဏ္ဍကနေ ပါဝင်မလဲ၊ ပြီးတော့ အဆုံးအဖြတ်ပေးရမဲ့ အချိန်ရောက်ရင်ကော သူဟာ ကောင်းကင်တမန်တွေဘက်က ရပ်တည်မလား၊

ဒါမှမဟုတ် နတ်ဆိုးတွေဘက်က ရပ်တည်မလား ဆိုတာကို စိတ်ဝင်စားဖွယ် ဆက်လက်ကြည့်ရှုရမဲ့ ဇာတ်ကားပါ။ သဘာဝလွန်ထိတ်လန့်စရာအငွေ့အသက်တွေပါသလို၊ ကိုယ်ယုံကြည်ထားတဲ့ အယူအဆတွေ ပြောင်းလဲသွားတဲ့အခါ လူတစ်ယောက်ရဲ့ ရွေးချယ်မှုတွေက ဘယ်လောက်အထိ အရေးပါသွားလဲဆိုတဲ့ အချက်ကို အက်ရှင်အခန်းတွေနဲ့ ရောယှက်ပြီး တင်ဆက်ထားတဲ့ ဇာတ်ကားဖြစ်ပါတယ်။

• angel
• demon
• good versus evil
• social worker