Video Sources 14 Views Report Error
အကောင့်ဖွင့်ရန် ပုံအပေါ်သို့နှိပ်ပါ
Synopsis
Blades of the Guardians: Wind Rises in the Desert (2026)
++++++++++++++++++++++
IMDb Rating (7.3) / Rotten Tomatoes (97%)
တရုတ်သိုင်းကား ပရိသတ်တွေအတွက်ရော၊ နာမည်ကြီး Biao Ren (镖人) ကော်မစ်ဖတ်ဖူးတဲ့သူတွေအတွက်ပါ လုံးဝလက်လွတ်မခံသင့်တဲ့ ၂၀၂၆ ထွက် ဇာတ်ကားကြီး တင်ပေးထားပါပြီ။
ဒီကားက ကာတွန်းကို Live-action အနေနဲ့ ပြန်ရိုက်ထားတာဖြစ်ပြီး၊ ဒါရိုက်တာကတော့ The Matrix, Kill Bill နဲ့ Crouching Tiger, Hidden Dragon တို့မှာ Action Choreographer လုပ်ခဲ့သလို၊ Drunken Master လို ကားမျိုးတွေကို ရိုက်ကူးခဲ့တဲ့ နာမည်ကျော်ဒါရိုက်တာကြီး ယွမ်ဝူးပင်း (Yuen Woo-ping) ပါ။ သရုပ်ဆောင်တွေကလည်း မိုက်မှမိုက်ပဲ။
အဓိကဇာတ်ကောင် ဆုကြေးစားမုဆိုးကြီး တောက်မာ နေရာမှာ ဝူးကျင်း (Wu Jing) က သရုပ်ဆောင်ထားပြီး၊ နီကိုးလပ်စ်ဆဲ (Nicholas Tse)၊ ဂျက်လီ (Jet Li)၊ တိုနီလန် (Tony Leung Ka-fai) နဲ့ ကာရာဟွေ (Kara Hui) တို့လို ဝါရင့်သရုပ်ဆောင်ကြီးတွေပါ ပါဝင်အားဖြည့်ထားပါတယ်။
ဇာတ်လမ်းအကျဉ်း
++++++++++
ဇာတ်လမ်းက ဆွေ့မင်းဆက် နှောင်းပိုင်းကာလကို အခြေခံထားတာပါ။ အရင်က အင်ပါယာရဲ့ အတော်ဆုံးတပ်ဖြစ်တဲ့ လက်ဝဲသူရမြင်းတပ်က ကိုယ်ရံတော်ဟောင်းဖြစ်ပြီး အခု နာမည်ကြီး ဆုကြေးစားသမားတစ်ယောက်ဖြစ်နေတဲ့ တောက်မာဟာ ရှောင်ချီဆိုတဲ့ တူလေးတစ်ယောက်နဲ့အတူ သွားလာနေတာကနေ စထားပါတယ်။
တစ်ရက်မှာတော့ တောက်မာကို အရင်က ကူညီဖူးတဲ့ မော့မျိုးနွယ်စုခေါင်းဆောင်ကြီးက အကူအညီတစ်ခုတောင်းပါတယ်။ အဲဒါကတော့ အင်ပါယာတစ်ခုလုံးက အလိုအရှိဆုံး နံပါတ်တစ် ဝရမ်းပြေးကြီး ကျီရှီလန်ကို ချန်အန်း မြို့ဆီ လုံခြုံရေးယူပြီး ပို့ပေးဖို့ပါပဲ။
ကျီရှီလန်ကိုဖမ်းမိရင် ရမဲ့ဆုကြေးငွေကလည်း မက်လောက်စရာဖြစ်နေတော့ လမ်းတလျှောက်မှာ သူတို့အဖွဲ့ကိုမျက်စိကျပြီး လိုက်ဖမ်းမဲ့ အခြားဆုကြေးစားသမားတွေ၊ အစိုးရတပ်တွေ၊ ဂိုဏ်းပေါင်းစုံက လူတွေနဲ့ အကြိတ်အနယ် ရင်ဆိုင်ရမဲ့ ပုံစံမျိုးပါ။
ဒီကားကို ဒါရိုက်တာ ယွမ်ဝူးပင်း ကိုယ်တိုင် ကိုင်တွယ်ထားတာမို့လို့ CGI ကို သိပ်မမှီခိုဘဲ လူကိုယ်တိုင် သရုပ်ဆောင်ရတဲ့ အက်ရှင်ခန်းတွေ၊ ဓားသိုင်းကွက် အကြမ်းစားတွေကို အားရပါးရ ကြည့်ရမှာပါ။
မူလက ၂၀၂၅ မှာ ရုံတင်ဖို့ မှန်းထားပေမဲ့ မင်းသမီးတစ်ယောက်ရဲ့ ပြဿနာကြောင့် သရုပ်ဆောင်ပြောင်းပြီး ပြန်ရိုက်ရတာတွေရှိခဲ့လို့ ၂၀၂၆ ဖေဖော်ဝါရီလ ၁၇ ရက်နေ့ (တရုတ်နှစ်သစ်ကူး) ကျမှ ရုံတင်ခဲ့တာ ဖြစ်ပါတယ်။
ရိုက်ကူးရေး အများစုကို ရှင်းကျန်း (Xinjiang) ဒေသက သဲကန္တာရတွေနဲ့ ဘေဂျင်းမှာ တကယ်သွားရောက် ရိုက်ကူးထားတာပါ။ ဝူးကျင်းဆိုရင် ဒီကားထဲက တောက်မာ ဇာတ်ကောင်နဲ့ တူအောင် ဆံပင်အရှည်ထား၊ မုတ်ဆိတ်တွေမွေးပြီး မြင်းစီးတာနဲ့ သိုင်းကွက်တွေကို လပေါင်းများစွာ ကြိုတင်လေ့ကျင့်ခဲ့ရပါတယ်။
တရုတ်ရိုးရာ သိုင်းကားစစ်စစ် (Wuxia) တွေရဲ့ အငွေ့အသက်ကို ပြန်ရချင်တယ်၊ အက်ရှင်ခန်း အကြမ်းစားတွေနဲ့ မင်းသားကြီးတွေရဲ့ သရုပ်ဆောင် ကွက်တွေကို ကြည့်ချင်တယ်ဆိုရင်တော့ ဒီကားလေးက လုံးဝ အချိန်ပေးရကျိုးနပ်စေမှာပါ။
Original title 镖人：风起大漠
IMDb Rating 7.3 1,381 votes
TMDb Rating 7 36 votes
Director
Director
Cast
Dao Ma
Di Ting
Shu
Ayuya
Zhishilang
Heyi Xuan
Ms. Yanzi
Old Mo
Shuang Tou She / Double-headed Snake
Mrs. Yuchi
Links
Similar titles
