Video Sources 252 Views Report Error
အကောင့်ဖွင့်ရန် ပုံအပေါ်သို့နှိပ်ပါ
Synopsis
Totto-Chan: The Little Girl at the Window (2023)
————————————————————-
IMDB – 7.6/10, MyAnimeList – 7.8/10
Studio Ghibli ကထုတ်လုပ်ပေးတဲ့ Spirited Away တို့ My Neighbor Totoro လိုမျိုး Art Style နဲ့ ကြည့်ရင်း စိတ်နှလုံးသားတွေ နွေးထွေးသွားစေမဲ့ ကလေးဘဝသံယောဇဉ်မေတ္တာလေးတွေကို စစ်ပွဲနောက်ခံနဲ့အတူ ဖော်ကျူးထားတဲ့ Anime ရုပ်ရှင်ကားကောင်းလေးကို မိတ်ဆက်ပေးချင်ပါတယ်။
Animation လေးတွေကလည်း နောက်ခံတွေဆို ပန်းချီကားတွေလို အသေးစိတ်ကျပြီး ဇာတ်ကောင်လှုပ်ရှားမှုတွေကလည်း သေသပ်လှပတဲ့အပြင် ဇာတ်ကောင်ကလေးလေးတွေဆို ပါးနီလေးတွေနဲ့ အရမ်းချစ်စရာကောင်းတာမျိုးလေးတွေပါ။ ဇာတ်လမ်းကလည်း ဒုတိယကမ္ဘာစစ် မပြီးခင်အချိန်ကာလက တကယ့်အပြင်မှာ ရှိခဲ့တဲ့ မူလတန်းကျောင်းလေးတစ်ကျောင်းနဲ့ သူများနဲ့မတူပဲ လန်းဆန်းတက်ကြွလွန်းလှတဲ့ ကလေးမလေးတစ်ယောက်ကို ဦးတည်ရိုက်ကူး ပုံဖော်ထားတာပါ။ Tetsuko Kuroyanagi ရဲ့ သူ့ဘဝကို သူကိုယ်တိုင်ရေးထားတဲ့ အတ္ထုပ္ပတ္တိစာအုပ်လေးကို အခြေခံထားတာလည်း ဖြစ်ပါတယ်။
ဇာတ်လမ်းအကျဉ်းချုပ်လေးကတော့…
Totto-chan ဆိုတာက အရမ်းလည်ပြီး အင်မတန်ကို တက်ကြွရွှင်မြူးတဲ့ ကလေးမလေးတစ်ယောက်ပါ။ အမြင်ကပ်စရာလည်း ကောင်းသလို ချစ်စရာလည်း ကောင်းနေပြန်ရောပေါ့။ ဒါပေမဲ့ Totto ရဲ့မေမေကတော့ ခေါင်းခဲနေပါတယ်။ ဘာလို့လဲဆို Totto တစ်ယောက် အလည်လွန်တာရော စကားတတ်တာရောကြောင့် ဘယ်ကျောင်းမှ သူ့ကို လက်မခံချင်ကြပါဘူး။
ဒီလိုနဲ့ တစ်နေ့ကျ Tomoe မူလတန်းကျောင်းလေးကို Totto ရောက်သွားခဲ့တယ်။ ကျောင်းအုပ်ဆရာကြီးနဲ့ သူများနဲ့မတူညီတဲ့ ချည်းကပ်တဲ့ပုံစံတွေ၊ အတန်းထဲက ကျောင်းသူကျောင်းသားတွေရဲ့ ထူးခြားဆန်းပြားတဲ့ အကျင့်စရိုက်လေးတွေ၊ Tomoe စာသင်ကျောင်းလေးရဲ့ တစ်မျိုးတစ်မည် ကွဲထွက်နေတဲ့ သင်ကြားရေးနည်းစနစ်တွေကြောင့် Totto တစ်ယောက် ဒီကျောင်းလေးမှာ မြဲပြီး ကျောင်းပျော်လေးဖြစ်လာတဲ့အကြောင်းကို ကြည့်ရမှာပါ။
သူငယ်ချင်းအနေနဲ့လည်း အတန်းထဲက ပိုလီယိုဖြစ်နေတဲ့ Yasuaki ဆိုတဲ့ကောင်လေးနဲ့ ပိုခင်မင်ပြီး နှစ်ဦးသား ဘယ်လိုလက်တွဲခေါ်ဖေးကူပေးကြလဲဆိုတာ မြင်ရဦးမှာပါ။ ဒါတွေအပြင် ကမ္ဘာစစ်ကြီး ဖြစ်ပေါ်လာတဲ့အလျောက် ဒီကလေးတွေပတ်ဝန်းကျင်မှာ ဘယ်လိုအပြောင်းအလဲတွေ ဖြစ်လာပြီး ဘယ်လို နေသားတကျဖြစ်အောင် နေကြသလဲဆိုတာကို ကလေးလေးတွေအမြင်ကနေ တင်ဆက်ပေးတာဖြစ်လို့ တွေးစရာလေးတွေလည်း ရနိုင်ပါတယ်။
နိဂုံးချုပ်ရင်တော့ ချစ်စရာလေးတွေ ကြည့်ရမယ် ပြုံးပျော်ရမယ် အပန်းပြေစေမယ် ပညာယူစရာလေးတွေလည်းပါတယ် တွေးစရာလေးတွေပါတယ်။ ၂ နာရီနီးပါး ကြာမြင့်တယ်ဆိုပေမဲ့ တစ်စက်မှမပျင်းရပဲ Totto-chan လေးနောက်မှာ စီးမျောလိုက်ပါသွားရင်း မိသားစုနဲ့အတူတူရော သူငယ်ချင်းဘော်ဒါတွေနဲ့ရော တစ်ဦးတည်းရော ဘယ်လိုနေနေကြည့်သင့်တဲ့ Underrated Anime ကားကောင်းလေးဖြစ်လို့ လက်တို့လိုက်ပါရစေနော်….။
Original title 窓ぎわのトットちゃん
IMDb Rating 7.6 10 votes
TMDb Rating 7.6 29 votes
Director
Director
Cast
Totto-chan (voice)
Sōsaku Kobayashi (voice)
Moritsuna Kuroyanagi (voice)
Chō Kuroyanagi (voice)
Miss Ōishi (voice)
Links
Similar titles
