Simon Birch

Simon Birch (1998)
1998-ခုနှစ်မှာထွက်ရှိခဲ့တဲ့ “ Simon Birch “ ရုပ်ရှင်ဟာဆိုရင်ဖြင့် ဂန္ထဝင်စာရေးဆရာကြီး “ John Irving “ ရေးသားထုတ်ဝေခဲ့သော စာအုပ်တစ်အုပ်ဖြစ်တဲ့ 1989-ခုနှစ်ထုတ် “ A Prayer For Owen Meany “ ဆိုတဲ့ဝတ္ထုစာအုပ်ကို ပြန်လည်အသက်သွင်းထားခဲ့တဲ့ရုပ်ရှင်တစ်ပုဒ်ဖြစ်ပါတယ်။

ဇာတ်လမ်းအကျဉ်းကတော့

ဂျိုး နဲ့ ဆိုင်မွန်ဘာ့ချ်တို့ဟာ လူတောမတိုးသော်ငြား စွယ်တော်ရွက်ကလေးလို အမြဲတူယှဉ်မခွဲမခွာဖြင့် အရမ်းကိုချစ်ကြတဲ့သူငယ်ချင်းနှစ်ယောက်ပါ။ ဆိုင်မွန်ကတော့ မွေးရာပါလူကောင်ပိစိလေးအဖြစ်မွေးလာခဲ့လို့ ကျန်းမာရေးလည်းချူချာရှာသလို မြို့ထဲကလူတွေကလည်း သူ့ရဲ့အရွယ်အစားကြောင့် သူ့ကိုလူထူးလူဆန်းလို့ပဲမြင်နေကြတာကို အသက်ငယ်ငယ်လေးနဲ့ ခါးစည်းခံနေရသူတစ်ယောက်ပါ။

ဂျိုးဟာလည်း မြို့ထဲကလူတွေဆီကနေ အဖေမပေါ်ဘဲမွေးတဲ့ကောင်ဆိုပြီး နောက်ပြောင်ခံနေရသူတစ်ယောက်ပါ။ ဒါကြောင့် မထုံတတ်သေး လူတောမတိုးတဲ့သူငယ်ချင်းနှစ်ယောက် ဘယ်လိုတောင်အတွဲညီညီနဲ့ရောသမမွှေကြမလဲဆိုတာကို ကြည်နူးစွာ ကြည့်ရှုနိုင်မှာပဲဖြစ်ပါတယ်။

ဒီရုပ်ရှင်ဟာ ဒါရိုက်တာ Mark Steven Johnson ရဲ့ပွဲဦးထွက်လက်ရာလည်းဖြစ်သလို ဆိုင်မွန်အဖြစ် former child actor တစ်ယောက်လည်းဖြစ်တဲ့ Ian Michael Smith အပြင် Bohemian Rhapsody / The Social Network /Jurassic Park စတဲ့နာမည်ကြီးရုပ်ရှင်တွေမှာပါဝင်ခဲ့တဲ့ Joseph Mazzello ဟာလည်း ဂျိုးရဲ့ငယ်ဘဝမှာပါဝင်အားဖြည့်ပေးထားပြီး ဂန္ထဝင်မင်းသားကြီး Jim Carrey ကလည်း ဂျိုးရဲ့လူကြီးဗာရှင်းအဖြစ် နောက်ကြောင်းပြန်ပေးရုံသာမက တစ်စိတ်တစ်ပိုင်းလည်းပါဝင်ပေးထားလို့ cast မြိုင်မြိုင်ဆိုင်ဆိုင်နဲ့ကြည့်ရှုခံစားနိုင်မှာပဲဖြစ်ပါတယ်။

(အညွှန်းနဲ့ဘာသာပြန်ကတော့ Myat Noe Ya Mone ဖြစ်ပါတယ်။)

• based on novel or book
• church
• death of best friend
• dwarfism
• illegitimate son
• school bus